Дај му на човека плотер и ќе ти нацрта... // Четврток 31.03

График? Куќичка? Којзнае. Ќе видиме вечер.

ЗНАЧИ! Го склопивме и проработевме плотерот, сега на ред дојде да напишеме код, да му закачиме графитна мина и да оставиме на имагинацијата да одлучи што ќе нацртаме на листот хартија.

Како и претходниве четвртоци, вечер ќе има кокосовки, хардвер, добро расположение, а хаклабот ќе биде исполнет со хакерски дух(ови).

20 часот е времето, КИКА е местото, се гледаме!

Кокосовки: да го проработиме плотерот // Четврток 24.03

Минатиот пат го склопивме плотерот, проработевме едно моторче ама ни цркна драјверот за второто. Денес ќе пробаме да го проработиме и второто (со нов драјвер) и да го напишеме софтверот за движење на иглата.

Ништо не се знае, дојдете на кокосовки, убавото ве чека во хаклаб. Од 20ч.

ЦРТМРТ - Моторозирано чекорно цртање - Микроконтролери и кокосовки - Part 2

Тоа што почнавме минатиот пат, редно е да го продолжиме. Фау и останатите го направија механичкиот дел, скелетот на плотерот, ги наместија осовините кои ќе ја движат главата, сега треба да ги поврземе со степерите (кои треба да ги вртиме со микроконтролер.)

Значи, утре вечер:

* Поврзување на механиката и електрониката
* Основно контролирање на X и Y моторчињата

И, се разбира, кокосовки. :-) Ај чао.

Четврток (17.03) вечер од 20:00ч.



PS: многу информативно видео кое објаснува како да работат (и како да контролираш) степери.

Edit: getting there! https://twitter.com/2cmk/status/710622055633461248

ЦРТМРТ - Моторозирано чекорно цртање - Микроконтролери и кокосовки

Вечер во 20ч. продолжуваме со четврточните хардверски подвизи. На репертоарот:

• Кокосовки ✓
• ARM Cortex платформа ✓
• Source code напишан во C ✓
• Step моторчиња ✓
• Plan to take over the world ✓

Идејата е да направиме некаков плотер што (многу бавно) ќе го црта графикот на присутни во хаклаб. Ќе почнеме барем, па ќе видиме до каде ќе стигнеме.

EDIT: еве до кај стигнавме. Повеќе слики тука: http://imgur.com/a/WaqGn

Кокосовки на панорамско тркало - микроконтролери и чекорен мотор // 25.02.2016

Трет четврток по ред, ќе се зезаме со ниска струја, микроконтролери, програмирање во C и ќе јадеме благо. Минатиот пат поврзавме 4 LED-ици и ги вклучувавме/исклучувавме. Денеска ќе правиме *нешто* со чекорен мотор (stepper). Панорамско тркало?

Се гледаме вечер од 19:00ч. во КИКА.












EDIT: Еве, стварно правиме ствари: https://twitter.com/2cmk/status/702976203418808320

Светлечки кокосовки и микроконтролери - Las Vegas Style baby! // Четврток 18.02

И овој четврток (денес) ќе продолжиме со нашата мисија - да ги јадиме најубавите кокосовки и да ги прошируваме знаењата за микроконтролерите.

Денеска на менито ќе имаме поврзување на тастер (што, како, зарем?) од микроконтролеро да врши некоја паметна функција (трепкање на LED, world domination start, итн).

Се гледаме вечер во 19:00 !

Кокосовки и микроконтролери // Четврток 11.02

Во КИКА, утре, четврток, почнува серија на -- сите се надеваме -- плодни хардверашки четвртоци.

Настанот го организираме јас (Андреј) и Игор (fau). Програмер и дактилографка решаваат да чепкаат хардвер. Ќе пробаме секој четврток да си задаваме некое мини проектче и да го правиме. Секако, настанот е отворен и поканети сте сите да ни се придружите.

Ако даде господ, повремено ќе не дружи и Алекс кој actually разбира струја и ќе му помогне на станчето да не изгори во пожар.

Ова е платформата која ќе ја користиме: http://www.ti.com/ww/en/launchpad/launchpads-connected-ek-tm4c123gxl.html (fau ќе ја донесе)

Инспирација за мини-проектите ќе црпиме од тука: https://courses.edx.org/courses/course-v1:UTAustinX+UT.6.03x+1T2016/info

Утре ќе се сретнеме за прв пат да дискутираме на темата и да планираме, и, најбитно, ќе има кокосовки! Благо. КоКОсовки. :-)

Со тоа ја завршуваме најавата, ви посакуваме пријатно претпладне. Се гледаме утре во 19ч. и останете на фрекфенциите на хаклаберската хардвервизија.

EDIT:

Инструкции за инсталирање на Ubuntu: https://gist.github.com/whoeverest/a24e80523926c6a92c4a