Рекапитулар: Сподели кино #11

Вчера го проектиравме i.Mirror - експлоративниот машинима документарец на China Tracy за нејзините авантури во Second Life.

За нас од 2с.мк значајно беше и што се појавија нови лица во публиката кои се надевам дека добро си поминаа. Украдов малце време за да им објасниме кои сме и што сме и зошто сето ова со Сподели знаење и кино го правиме. Се надевам дека ќе дојдат пак. Ќе најдеме нови интересни филмчиња.

Мене инаку многу ми се допадна филмчето... инаку во три дела... огромен емотивен набој ми имаше и ми отвори цела низа прашања кои се надевам во наредниот период ќе најдам време да почнам да ги одговарам.

После i.Mirror ги пуштивме првите 4 епизоди од Чед Вејдер ... менаџерот на дневната смена во супермаркетот... еден серијал кој јас го сметам за школски пример за хакирање на Холивуд. Ќе лобирам следниот вторник да ги пуштиме останатите 4 епизоди...