Computational Design (no. 2) // 19-ти мај, петок, 19ч.

Ви текнува на предавањето за computational design што се одржа на 4-ти мај, пред некој четврток? Супер беше, а овој следниов петок ќе организираме уште едно.

Еве што најавува Звонко за следното предавање:

„Ова предавање ќе биде надоврзување и надополнување на целата тематика врзана околу Computational Design. Ќе ги повториме набрзина работите кажани на предходното предавање па ќе пројдеме на повеќе примери и принципи кои не ги спомнав минатиот пат, а сметам дека се битни за да може да  се прејде на некоја од поспецијализираните теми и области, како на пример generative design.“

Минатата презентација беше -- барем за мене, Андреј -- eye opener во поглед на тоа колку интуитивно може да биде визуелното програмирање и колку природно слеано со 3D моделирањето. Grasshopper, екстензијата за Rhino 3D, е одлично сработен софтвер кој ти дозволува да почнеш од многу едноставни форми и, преку поврзување блокови, да дефинираш процес кој процедурално ќе ти... изгради зграда. Или хангар. Кој ќе биде статички издржан. Многу кул!

Инаку, Звонко е соработник на Design Morphine, кои се организација која се бави со вакви cutting edge теми, како computational architecture (или како и да се вика веќе.)

Anyways, петок, 19-ти мај, во КИКА. Од 19 часот.

Се гледаме!

Photo and design by Michael Pryor ©

Предавање за Computational Design // четврток, 4-ти мај

Овој четврток, во КИКА ќе ни гостува Звонко Вуграшек и ќе одржи предавање за Computational Design.

Ќе зборува за computational / parametric / generative design и „како со помош на овие методи може да се зголеми рационалноста и ефективноста при решавање на разни дизајн и пресметковни задачи кои досега земале многу време и нерви затоа што се работеле „пешки.““

Звонко е дел од DesignMorphine, интернационална организација за ширење на употребата на современи мултидисциплинирани методи во работата на области како инженерство, дизајн, архитектура и фабрикација и нивна полесна меѓусебна соработка.

Еве што вели Звонко за предавањето:

„Ќе се запознаеме со историјата и теоретската логика позади целава тематика, нејзини стилови/гранки и разни практични примени во индустриите денес.“

„Сето тоа ќе заврши со краток практичен вовед во Rhinoceros 3D & plugin-oт Grasshopper кој е една од најпознатите visual programming алатки користени во овие области.“

Ова предавањето е прво во серијата и ќе послужи како вовед во идна работилница, која најверојатно ќе се одржи во Јуни.

Четврток, 19ч. во Хаклаб. Се гледаме!