SysAdmin средба #3, четврток, 21 јули 2016, 20ч.

Здраво,

Лето е и топло е, многумина систем администратори се отидени на море, езеро, планина... но некои од нас се останати во Скопје. Токму за нив имаме настан. Настанот нема да има официјална агенда или некое предавање, ќе гледаме да се отвори ад-хок дискусија и да завршиме со пиво во околните пивници.

Се гледаме:
  - во четврток, 21 јули 2016, во 20ч.
  - во Хаклаб КИКА (http://b10g.spodeli.org/p/blog-page.html).

Front-end-средба #11, вторник, 12. јули 2016, 19 ч.

Во вториот вторник секој месец Хаклаб станува местото каде што се случуваат за најинтересните фронт-енд муабети. Станува збор за месечната фронт-енд средба, која овој месец се паѓа на 12.ти.

Овојпат агендата е од hands-on карактер, a може да се дополни и со заедничко гледање на некое интересно видео:

• Code Review од @azder за https://femusk.github.io/image-generator/ направен од Гоце Митевски (@GoceMitevski)
• Гледање видеа (што секогаш сме ги одлагале за да ги гледаме кога ќе имаме повеќе време). Предлози: Inventing on a principle - Bret Victor, избор од Render conf или Interaction16)
• Дискусија за организирањето на понатамошните средби или смислување на некој дизајн за маички или стикери.

Се гледаме!